Zeipei Zeipei hi A Fawi Te Ko Tiah Na Ruah Men Lai Nain Rak Phi Chun Ve Hmanh

A Fawi Te Ko Tiah Na Ruah Men Lai Nain Rak Phi Chun Ve Hmanh

Minhlen/zeipei zeipei hal a uar mi na si maw? Na si ahcun tu kan langhter mi hi a fawi te tiah ruah sual a fawi tete mi phun 8 kan rak langhter. cheukhat cu an fawi nain cheukhat nih cun na lung an tuaitam hrimhrim lai tangah rak zoh chun ve….

1. Inn khan pakhat chungah nungak pa 4 an um. Pakhat nak nu kha chess a celh, Pahnih nak nu kha TV a zoh i pathumnak nu cu a it. Tisi ah palinak nu kha zeidah a tuah. A tang i (a) in (e) tiangah a phi a um.

(a) Ca a Rel, (b) Inn khan chungah a um lo, (c) Pakhatnak nu he Chess an i celh (e) zeihmanh a tuha lo

2. Thla pa 2 a ngei, Va zong a si lo nain vancung sangpi tiang a zuang kho mi cu zeidah a si.

(a) mupi, (b) cazuang (c) langak (e) vanlawng

3. Minung pa 5 an um apple an ei hna. A nih apple kha B nak in rang deuh in a ei ko nain C he tahchunh ah cun a fum tuk. D nih apple kha E nak in rang deuh in a ei ko nain B he tahchunh ahcun a fum tuk ve hawi. Si ahcun ho nih dah Apple a ei dih hmasa cem?

(a) B, (b) C (d) E, (e) A

4. Ke pa 4  a ngei ko nain lam zong a kal kho lo, cu pin ah a thli zong a tli ko lo mi?

(a) Caw, (b) mawtaw, (c) chizawh, (e) Cabuai

5. Hringtu nu pakhat nih fa pa 7 kum 2 dan in a ngeih hna. A hniangbik hi kum 7 a si ah upat bik kha kum zeizat dah a si lai?

(a) kum 14, (b) kum 20, (c) kum 19, (e) kum 24

6. Kan cawkka ahcun a naak, asinain van hman tikah a sen ah a thleng i a hnu ah a pawl mi ah aa cang i hman awk zong a tha ti lo i hlonh a si. cucu zeidah a si.

(a)meitek, (b) Thing, (c), meihol, (e) phazawngdan

7. Pa ngakchia pakhat le biaceihtu tiva ah sio an thla, ngakchia pa cu biaceihtu i a fapa a si i, biaceihtu cu ngakchiapa i a pa a si lo. Tisi ah biaceihtu cu ngakchiapa i a zeidah  si.

(a) A u, (b) A nu, (c), A Pu, (e) A Pi

8. Number pakhat a um i cu number cu zeibantuk number he na karh zongah a mah ning peng a si. cu number cu number zeizat dah a si.

(a) -1, (b) 0, (c) 1, (e) 10

A cunglei i kan langhter mi zeipei zeipei halmi nan mah tein nan phit dih hnu ah a tangah na phit mi a hmaan le hmaanlo rak i zoh chun ve…

A Phi hmaan 

1. Pakhatnak nu he chess an i celh

2. Vanlawng

3. C

4. Cabuai

5. 19

6. Meihol

7. A Nu

8. 0 (zero)

Be the first to comment

Leave a Reply

Your email address will not be published.


*