Chuahni Thla Nih Kan Konglam A Langhter Mi 

Chuahni Thla Nih Kan Konglam A Langhter Mi 

Minung cu kum khat ah thla 12 a um mi chungah hrin mi kan si dih. Cu thla 12 chungah zei thla ah dah kan chuah cio, cu kan chuah thla nih kan si ning konglam a langter mi hi rak zoh chun ve tuah uh a dik hnga maw?

January Thla Chuak

January thla ah a chuak mi hna hi an smart mi an si, Timh mi nganpi zong a ngei mi an si bantuk in rian zong a zuam ngaingai mi an si, tuanvo lak ngamnak thinlung zong an ngei. January thla chuak hna nih zeibantuk thil an tuah paoh ah rem tipthep te le tha tein tuah a zuam mi an si, cu pin ah dai tein um a hmang mi zong an si, hawikom a nuamhter ngaitu zong an si.

February Thla Chuak

February thla ah a chuak mi hna hi an thluak a tha i smart zong an si fawn. midang he lawhlo nak thiamhlei tete zong a ngei mi an si. An Tluangtlam, mah tein dirkhawhnak a zuam ngai mi an si. an nunnak ah zumhtlak zong an si. hawikom hn zong nih zumh ngaimi pakhat an si. A caan ahcun mah lawng thut i khuaruah an hmang ngaingai, cu lawng siloin a theih hngalh mi sin ahcun an holh a tam ngai, nain an theihhuaha lo mi sinah cun holh lo bak zong in an um kho.

March Thla Chuak

March thla ah a chuak mi hna cu an thinlungput a tha i an thinlung a daidam fawn. midang caah pakhatkhat tuah piak, an herhmi bawmhchan tibantuk a uar ngai mi an si. thil pakhatkhat chungah a thatnak mit in zoh  thiam mi an si. Cu pin ah march thla chuak hi miningzah pang zong an si i, cu an ningzahpang nak nih duh a nunter khun hna.

April Thla Chuak

April thla ah a chuak mi hna cu zohbak ah mi mit an hlang. an nunnak ah thatnak lei lawngte hmuh a duh mi an si. April thla chuak hna hi midawt le zohkhenh, micungah zawnruahnak, fektein a tlaihmi ah a dirpi ngam mi, a tluangtlam mi an si. April thla chuak hna nih an nunnak ah thilthar ton nak caah hechat in a zuam mi an si. Rian pakhat an tuan tikah a caan chung bak ah dih dingin a zuam mi zong an si.

May Thla Chuak

May thla ah a chuak mi hna cu thil an tuan mi cungah tuanvo lakngamnak an ngei. zeithil an tuah paoh a dikthlir, cu pin ah thilthar serthiamnak zong an ngei. An daidam fawn i an khurkhua ruahmi a tha i a Romantic ngai mi zong an si, nuamh zong a duh ngai an si. meh chum, pangpar cin le hla ngaih tibantuk a uar ngai mi an si.

June Thla Chuak

June thla ah a chuak mi hna cu mah pakhat pi lawng um hi an celh lo ngai i, hawikom a duh ngaingai mi an si. Hawithar hmun dingah a zuam lengmang an si. Hmunton mi thar a duh ngaingai mi an si i khualtlawn tibantuk zong a huam ngai mi an si.

July Thla Chuak

July thla a chuak mi hna cu an thinlung a nemno ngai, tihram tibantuk an duh lo. An duh dawtmi hna cungah zumtlak bak an si fawn. Chungkhar he hmunkhat um a uar ngaingai mi an si. July thla chuak hna nih thuhnawh (secret) ngai mi an si. Cu ruangah July thla chuak hna hi midang nih an thinlung a ruahdap an i har ngaingai tawn.

August Thla Chuak

August thla ah a chuak mi hna cu capo le nichuak chim an thiam ngai i an sin um a nuam. an ziaza zong a tha i an mah le an mah i zumh ngamnak an ngei i mi hruai zong an thiam. A duh dawtmi he hmunkhat ah um ti hi a uar ngaingai mi an si. A thlum mi eiding ti rawl a uar ngai mi zong an si fawn.

September Thla Chuak

September thla chuak hna cu rian ah an i zuam i rianchung i thilhme te tiang in  tha tein zohkhenh a hmang mi an si. September thla chuak hna cu an chim mi kha a tak in tuah kha a duh i a ngai bak mi an si. An chim tung i a tak in a tuah lo mi minung hna cu zei ah an rel lem hna lo.

October Thla Chuak

September Thla ah a chuak mi hna cu mi nuam an si, an tluangtlam fawn. an thinlung a daidam i an zia zong a tha. Biachim le holh rel cu a thiam taktak mi an si i an thekvak zong a tha bak mi an si.

November Thla Chuak 

November thla ah a chuak mi hna cu mi thinlung thawng an si. Thil pakhat khat a duh mi cu ngah ding i a zuam mi an si i, cu an duh mi hmuh le ngahnak dingah a herhmi theihhngalhnak zong hehchat in a kawl i a zuam mi an si. An thinlung a thawng, theihhngalhnak zong hechat in a kawl mi an si caah midang cungah hruaitu zong an si khun.

December Thla Chuak 

December thla ah a chuak mi hna zong capo le nichuak chim a thiam ngai mi an si. bia pakhat an chim tikah thuhnawhmi ngei lo bak in biachim an hmang. Zoh ah hin a nuam peng mi an lo fawn, zalawng tein um zong a uar ngai mi an si. Midang thil hawih duhnak thinlung zong a ngei mi an si.

#ChinCele

 

Be the first to comment

Leave a Reply

Your email address will not be published.


*