Dawhnak le Tamhnak Caah Thawpat zong Hman Khawh Asi.

Dawhnak le Tamhnak Caah Thawpat zong Hman Khawh Asi.

Thawpat thei ah fatty Acid le Antioxidant a telmi a si i ngandamnak caah a tha ngai mi a si, cu pin ah dawhnak le tamhnak ca zongah hman khawh a si.

Thawpat ah vitamin dat le Ahmin dat a telmi a si caah zawtnak phunphun zong a runven khotu a si. Thawpat thei in zeitin dah dawhnak caah le tamhnak caah kan hman ning a si lai…

1. Kokek Pawng Sii

A cungah kan langhter cia bantuk in thawpat theih ah fatty acid le vitamin dat a telmi a si i kan luvum caah vitamin tha ngai a pek khawh i sam zong a fehter pin ah sam zong a thatter.

Zeitin dah kan tuah lai

  • Thawpat A hmin mi pum khat
  • Olive Chiti haileng/darkeu 1

Thawpat le Olive chiti cu tha tein kan cawh lai i kan sam ah kan thuh piak lai, kan sam ah kan thuh pah in kan luvum tiang hlen dingin kan thuh pah in kan hmeh piak lai i minute 20 hrawng a rauh hnu ah na sam kha thiang tein na tawl lai. Zarkhat ah voi 3 tuah piak khawh a si.

2. Hmai Pawng Khawh Zong Si

Takvum dawhnak caah siseh, takvum a sawng mi le a kawr mi dam deuh nak dingah thawpat in hmai pawng khawh a si.

A Telmi Thilri

  • Thawpat Pum 1
  • Olive Chiti haileng/darkeu 2 (takvum a rocar deuh mi na si ahcun retei pum 1 cawh khawh a si)

Thawpat thei kha a herh ning in hman khawh a si. Atelmi thilri pawl kha tha tein na cawh dih hnu ah na hmai ah naa thuh lai. Na hmai ah naa thuh mi cu minute 30 in 45 a rauh hnu ah ti kik tein naa tawl lai. Zarhkhat ah voithum tiang tuah khawh a si.

3. Mittlang kam naak mi ca zong ah tha

Mitkuh cim lo ruangah siseh, a ruang tampi ruangah mittlang kam a naak mi caah a tha ngai mi cu thawpat theih a si.

A telmi thilri pawl

  • Thawpat Thei pum cheu
  • Zil pum cheu

Thawpat pum cheu le zil pum cheu cu na paar na paar lai i na seh in rialnak chungah hmunkhat ah na poih lai i na rial lai. Cu na ril mi cu na mittlang ka a naah nak tete ah khan an thuh piak lai i minute 20 hrawng a rauh hnu ah ti kik tein naa phiah lai. Hmai dihlak in thuh khawh zong a si.

 

Be the first to comment

Leave a Reply

Your email address will not be published.


*