Ni Nih Lakmi Damnak Caah Siasawnglapat hi A Tha Bik Si

Ni Nih Lakmi Damnak Caah Siasawnglapat hi A Tha Bik Si

Siasawnglapat hi kan hmai ni nih a lakmi ah siseh, takvun he pehtlai mi zawtnak caah a tha bik mi a si.

Siasawnglapat nih takvun kha a daihter i chunglei thahri pawl zong a thar tein a thanchoter. Vitamin le Antioxidants pawl zong tampi a telmi an si.

Siasawnglapat le Khuaihliti

Siasawnglapat le khuaihliti hi ni nih lak ruangah a nahnak, a phingmi tibantuk pawl caah a tha ngai mi a si, bacteria rungrul pawl zong a tei khotu a si.

A telmi Thilri pawl

  • Khuaihliti hraikhat i cheu 4 cheu 1
  • Siasawnglapat haileng/darkeu 1
  • Siithau haileng/darkeu 1

A Tuah ning cang

A cunglei kan langhter mi khuaihliti, siasawnglapat, siithau pawl kha tha tein na cawh dih lai i ni nih an laknak zawn ah na thuh piak lai, cu na thuh mi a ro tikah ti in thiang tein na tawl lai. ni chiar tuah piak khawh asi.

Siasawnglapat le Aihre

Aihre hi bacteria rungrul pawl a that khotu a si i a phing mi tibantuk zong a zawrter khotu a si, cu pin ah a fakmi pawl zong a zawrter deuh kho tu a si.

Kan takpum i cell pawl zong a thawnter pin ah a rawk cia mi kan takvun zong a thatter than khotu a si.

A telmi thilri pawl 

  • Aihre haileng/darkeu 1 i cheu 4 cheu 1
  • Siasawnglapat haileng/darkeu 1

A Tuah ning Cang

A cung i kan langhter mi aihre le siasawnglapat kha tha tein na cawh lai i ni nih an laknak ah na thuh piak lai, cu na thuh mi a ro tikah ti in thiang tein na tawl lai. A herh ahcun thuh lengmang khawh a si.

 

 

Be the first to comment

Leave a Reply

Your email address will not be published.


*