Paw A Nuamhterlo Ruangah Hmunkhat ah Eidingti lo Ding Eidinig Tirawl Phun 6

Paw A Nuamhterlo Ruangah Hmunkhat ah Eiti lo Ding Eiding Tirawl Phun 6

Hmunkhat ah ei awk a silo mi eiding pawl kan ei tikah kan pum caah sivai ah a cang tawn, cheukhat sivai cu kan pum ca tiangin tihnung a si mi zong a um. Cheukhat eiding hna cu kan chung/paw kha a nuamhter lo i pawfah tibantuk tianglawng a chuahpi mi zong an um ve.

Tu kan langhtermi cu eiding tirawl pawl hmunkhat ah eiti ahcun kan pawpi seh kha a va hnursuan i, chung nuamh lo le paw nuamh lo a chuahter caah kan i ralrin awk pawl kan rak langhter…

1. Khazianchinti le Zil 

Anhringso pawl meh caah kan toh tikah khazianchinti le zil hi kan telh chih tawn lengmang mi a si. Asinain Zil le khazianchinti hmunkhat ah kan ei ti a si ahcun kan chung a nuamhter lo i chungsivang in um  khawh a si. Khazianchinti chungah vitamin C a tel i Zil chungah Enzyme dat a tel, Enzyme dat nih vitamin C riantuan ning kha a hei hnursuan i kan paw a nuamter tawn lo nak a si.

2. Cawhnuk le Lakphak

Lakphak chungah cawhnuk poih chih cu zeihmanh a poinak a um lo tiah minung tampi nih kan ruah mi a si. Asinain BBC nih an langhter mi ah lakphakti nih thi pound le thi a kalning a thatter. Cawhnuk chungah protein dat a tel ve. Cu hna pa 2 an van i fonh tikah cawhnuk chung i a um mi protein dat nih lakphakti nih a riantuan mi vialte kha a tlauter dih khawh.

3. Phayeti (water melon) 

Phayeti hi zeibantuk eiding hmanh he hmunkhat ah eiti lo ding. phayeti hi a hang a tam mi  si caah kan takpum nih a herh mi ti dat pawl a phihkhar piak khotu eiding phun khat a si. Phayeti hi kan pawpi nih fawi tein a rial khawh mi eiding a si, a dang eiding hna he hmunkhat ah kan eiti si ahcun kan pawpi seh nih kan ei mi tirawl a rial tikah kan pawpi seh rial nak kha a va hnursuan i paw nuamh lo nak a chuahpi.

4. Arti le Sa Pawl

Arti chungah siseh Sa chungah siseh protein dat tampi aa tel veve mi an si. Arti le Sa a pahnih in hmunkhat ah kan ei a si ahcun nikhat chung kan takpum nih a herh mi protein dat kha a hlei a hluat a si lai i, cheukhat caah cun umtu nuamh lo nak tiang a chuak kho mi a si.

5. Dingchin le Thingthei Pawl

Dingchin chungah thingthei kan poih chih i kan ei tikah, thingthei chungah a um mi acid dat nih cawhnuk in tuah mi dingchin i a riantuan nak kha a hei hnursuan i kan pawpi seh riantuan ning tiang in a hei hnursuan. Cu ruangah paw nuamh lo le chung nuamh lo nak a chuahpi.

6. Cawhnuk le Banhla

Banhla cu a thaw zong a thaw i vitamin tampi a telmi thingthei phunkhat zong a si. Asinain kan pawpi nih banhla a rial ning le, kan pawpi nih cawhnuk a rial ning kha aa lawh lo caah hmunkhat ah eiti lo ding tirawl chungah a tel ve mi a si.

 

Be the first to comment

Leave a Reply

Your email address will not be published.


*