Thikai A Nei Mi Hna Caah Ti A Nung Ngai Mi Eiding Tirawl Pawl 

Thikai A Nei Mi Hna Caah Ti A Nung Ngai Mi Eiding Tirawl Pawl 

Thikai a hmang mi hna cu an thi a kai lio ah thabat a fawi, lu a fak, lung thur ning zong a hman lo tibantuk in um a si.

Thikai a ngei mi hna nih caan hman tein exercise tuah nak nih takpum chung thi kal ning a tha hmanter i, a al mi eiding tirawl pawl hrial ahau mi a si.

Thikai zawtnak in na him khawhnak dingah a tu kan langhter mi eiding tirawl pawl hi rak hrial ve hna….

1. Thazaang Umnak Dingmi Tikik Hang (energy Drink)

Energy drink chungah caffeine dat a tel i takpum chungah a um mi thi kal ning a hnursuan caah thikai zawtnak a zualter khotu a si.

2. Pizza 

Pizza chungah cheese le a al mi pawl, khazianchinti sour tampi a tel ruangah pizza tlawmpal te na ei sual zongah na thikai a zual cawlh ko lai.

3. Caan Sau Nguh Dingin Tuahmi Sa Pawl

A Thianghlim mi Sa pawl cu ngandamnak he a tlak bik mi eiding ah a telmi a si ve. Asinain chemical sii pawl in sa kha caan sau nguh nak dingah an tuah mi Sa einak nih lu a fahter i thi lam phih tibantuk zong a chuak kho, cu pin ah sodium dat tampi a tel mi asi.

4. Ready made Khohsuai Pawl 

ready made khohsuai pawl cu minute tlawmpal chungah fawi tein chumh khawh mi a si pin ah a thaw ngai mi zong a si fawn, i manh lo lio ah cun rianrang tein chumh khawh mi a si caah ei tawn lengmang mi a si. Asinain ready made in tuah mi khohsuai pawl kha thi kai a ngei mi hna nih cun hrial bak ding mi a si.

5. Voksa

Voksa thau chungah sodium dat tampi a tel i thikai a zual ter ngaingai tu eiding phun khat a si.

6. Alu Kio Mi 

Alu ko mi chungah siithau tampi a tel pin ah sodium dat tampi a um. Alu kio nak siithau chungah  a tu le tu kan kio mi kha thikai a ngei mi hna nih cun ei bak lo ding a si.

7. Arvun

Cheukhat cu arvun kha thawpat chiti he ronawn tein kio i ei ahmang mi zong an um. Arvun ah siithau tampi a um, cu lawng siloin arvun van kio tikah siithau zong tampi a dawp caah thikai ngei mi hna nih ei lo ah a tha mi a si.

8. Mepe Thawpat

Mepe thawpat chungah cite tampi a tel caah thikai mi hna caah eiawk a si lo tiah na ruah sual men lai. Asinain Mepe thawpat chungah siithau tampi a tel caah cu nih cun thi kalnak lam a phih khawh i thikai ngei mi hna nih hrial bak ding asi.

9. Coffee

Coffee chungah a al mi le siithau a tel lo nain thikai zawtnak a zualtertu Caffeine pawl a tel.

Be the first to comment

Leave a Reply

Your email address will not be published.


*