Alu Einak nih A Chuahpi mi Ngandamnak Pawl 

Alu Einak nih A Chuahpi mi Ngandamnak Pawl 

Alu chungah Ahmin dat, Vitamin le Copper dat pawl tampi a telmi a si i thlanglei America ram nih aluancia 10000 hrawngah an rak ei hmasacem, Cu hnu ah Spain miphun nih kum zabu 16 hrawng ah an rak ei ve mi a si.

Cu hnu in vawleicung pumpi nih Alu kha thaw tein a phunphun in an chum, an kio i ei cio a si cang. Cu tikah minung tampi nih uar mi le ei duh mi eiding pakhat ah a cang. Cu Alu einak nih a chuahpi mi ngandamnak pawl tangah kan rak langhter….

1. Ruh A Fehter

Alu chungah Thir dat, Calcium dat, magnesium le zinc dat pawl an i tel i cu dat pawl nih takpum kha a than lianhter i Ruh pawl zong a fehter.

2. Lung Thazaang A Thawnter

Alu chungah Ahmin dat, Potassium dat, Vitamin dat, Vitamin B6 tampi a telmi a si i Cholesterol a tel lo caah Cu dat pawl nih Lung thazang thawnnak dingah bawmchanh nak a pek.

Ahmin dat tampi a telc aah Alu ni Thi chungah Cholesterol pawl kha a zawrter khawh i Lung zawtnak ngeih khawhnak lam in a runven piak khawh.

3. Pawpi seh a thatter

Alu chungah a telmi ahmin dat nih Lung pakhat ca lawngah si loin Pawpi seh zong a thattter, ek zong a fer ter lo, ril lei ngandamnak ca zongah bawmchan tu a si.

4. Takpum Thazang A Thawnter

Dothletnak pakhat an tuah mi ah Alu chungah a telmi Vitamin dat nih kik tlaih in zawt lo ding in a runven piak khawh, kik nih tlaih sual  hmanh ah caan sau zaw lo dingin a runven piak khawh tiah an hmuh.

5. Takvun A Dawhter

Takvun dawhnak caah Collagen hi a biapi ngai mi pakhat a si ve. Alu chungah a telmi Vitamin C nih ni nih lakmi le thli thianglo  nih takvun a hrawh mi a runven piak khawh i takvun a tialmi pawl zong a runven piak kho tu a si.

 

 

Be the first to comment

Leave a Reply

Your email address will not be published.


*