Zuunthlum Zawtnak Ngeimi Hna nih Thichungah A Tlummi Dat Zawtnak Dingah Eiding Phun 7 Pawl

Zuunthlum Zawtnak Ngeimi Hna nih Thichungah A Tlummi Dat Zawrnak Dingah Eiding Phun 7 Pawl

Tuchan zawtnak ah minung tampi nih ngeih mi zawtnak lakah Zuunthlum hi a tel ve mi a si. Zuunthlum zawtnak hi cikawr zong in a kal mi a si i, eiding tirawl he zong aa pehtlai mi  a si. Thi chungah a thlummi dat a tam tuk mi eiding tirawl kan ei tikah zuunthlum zawtnak ngeih khawh nak lam a fawi ngai mi a si.

Cu ruangah nifatin kan ei mi tirawl hna kha tha tein kan i ralrin a hau, cu tikah thi chungah a thlum mi dat a zawrter khotu eiding tirawl pawl tangah kan rak langhter…..

1. khazianchinti 

Khazianchinti nih thichungah a thlum mi dat aa control piaktu Vitamin le Copper dat a tel caah Zuunthlum zawtnak a ngei mi hna nih eipiak awk ah a tlakmi eiding pakhat a si.

2. Hingnuhnuai 

Vawleicungah  a hringmi anhringso tluk in ngandamnak caah bawmchanhtu tha a um lo. Cu anhringso hna chungah hingnuhnuai hi a tha bak timi chungah a tel mi a si. Hingnuhnuai chungah Vitamin C, Thir dat, Magnesium, Folic Acid pawl tampi a telmi a si, cu pin ah ahmin dat zong tampi a telmi a si.

Cu lawng siloin Carbohydrate tlawmte lawng a telmi a si caah thichungah a um mi a thlummi dat pawl kha a zawrter khotu a si.

3. Khachuansen

Zuunthlum zawtnak a ngei mi hna nih khachuansen (piat) a hring in siseh, kio in siseh ei piak awk a tlak mi a si. Khachuansen chungah dat a fonh mi nih takpum chungah a um thichungah a thlummi dat pawl zawrter nak caah a tha ngai mi a si.

4. Pankawpi hring

Thichungah a thlummi dat a sangtuk mi hna cu Lung lei zawtnak fawi tein ngei khawh a si. Cu ruangah lung lei zawtnak ngei lo dingin thichungah a thlummidat zawrter kha a hau.

Pankawpi hring nih thichungah a thlummi dat pawl kha a zawrter khotu Potassium le Chromium a tel caah zuunthlum zawtnak a ngei mi hna nih ei awk ah a tlak ngai mi a si.

5. Salat (lettuce) 

Salat hnah chungah Cholesterol le Carbohydrate a telmi a tlawm caah thichungah a thlummi dat a sang mi kha a zawrter khawh.

6.  Cinnamon (Chin Dictionary nih thakhling/nakzik tiah a ti)

Cinnamon hi a rim a tui ngai nain thichungah a thlum mi dat zawrter nak caah sii tha ngai phunkhat a si.

7. Oatmeal (Chin Dictionary nih Oat Changvut tiah a ti) 

Oatmeal nih thichungah a um mi a thlummi dat a tam ter lo i, taktum nih a herh mi vitamin tu a pe khotu a si. Oatmeal hi a hlei in thau luan mi hna caah thau zawrter nak caah bawmchantu tha ngai a si.

 

 

Be the first to comment

Leave a Reply

Your email address will not be published.


*