Arsik Tlau le Hmai That Na Duh Ahcun Banhla Hawng Hi Rak Hmang Ve

Arsik Tlau le Hmai That Na Duh Ahcun Banhla Hawng Hi Rak Hmang Ve

Banhlan cu minung tampi nih kan duh ngaingai mi thingthei pakhat a si, cu lawng hmanh siloin ngandamnak ca zong ah a tha ngai mi a si. Amah banhla lawng hlah maw a tha tina lak ah a hawng zong nih dawhnak a rak chuahpi ve.

Minung kan i dawhnak a tlau ter tu pakhat cu Arsik hi a si. Arsik a chuahnak hi Bacteria rungrul ruangah, Mi a thlor ruang, cell a thih ruang le thlanchuahnak kua a pih ruangah Arsik a chuahnak hi a si. Cu lawng hmanh siloin Hormone dat tlawm ruangah, vitamin tlawm ruang le lungretheih ruang zongah arsik hi a chuak mi a si ve.

Arsik thlopnak dingah kokek thilri a si mi……..

1. Banhla Hawng 

Hmasabik ah na hmai tikik siloah cawhnuk in na hmai na phiah lai. Cu hnu ah ro tein na hnawh lai. Banhla hawng kha fa nawn tete in na taan hna lai, siloah pa 4 zong in chuah khawh si ko, cu banhla hawng cun minute 10 tiang hrawng na hmai na hnur piak lai.

Banhla hawng a dum pa hnu cun na hlonh lai i a dang na hman than lai, banhlan hawng in voikhat na hnur dih hnu paoh ah minute 20 a rauh hnu ah na hmai na phiah than lai. nikhat ah voi 2 in voi 3 tiang tuah a ngah.

2. Banhla Hawng le Changreu nak Soda

Changreu nak Soda nih thlan chuahnak kua i sivai tha lo pawl kha a thianter khawh. Banhlan hawng ah a benh mi a rangmi kha na ziah lai.

Cu na ziahmi banhla hawng haileng 1 le changreunak soda haileng cheu hrawng kha ti tlawmpal te he tha tein na cawh lai i na hmai ah na benh lai. Minute 2 hrawng na hnur piak lai i tisa in na hmai na phiah lai. Siithau a tel lo mi Moisturizer kha na hmai ah na thuh lai. nikhat voikhat tuah piak khawh a si.

3. Banhla Hawng le Retei

Retei nih arsik ah a cang ding Bacteria pawl kha a thah khotu dat tampi a telmi a si. Banhla hawng ah a benh mi a rang mi kha na ziah piak lai, cu na ziah mi ah a tlak ning in retei hang na surh lai. cu hnu ah na hmai ah na thuh lai i minute 15 hrawng na chiah piak lai. cu hnu ah tisa in na tawl lai. nichiar tuah piak khawh asi

4. Banhla Hawng le Khuaihliti 

Banhla hawng i a benh mi a rang mi te kha na ziah lai, cu na ziah mi haileng 1 le khuaihliti haileng cheu kha tha tein na cawh lai i na hmai ah na benh lai. cu hnu ah minute 15 hrawng a rauh hnu ah tisa in na tawl lai. Siithau a tel lo mi Moisturizer na thuh lai. nichiar tuah piak khawh a si.

Be the first to comment

Leave a Reply

Your email address will not be published.


*