Thilpuan ah Chiti Tibantuk A Nehmi Zeitin Dah Kan Hloh Lai

Zingzan kan ei dingmi tirawl hi ngandamnak caah an biapi taktak ti cu el awk tha lo mi a si. Cupin ah zingzan kan chumhchuanmi eiding tirawl hna zongah minung kan thianhlimnak caah bawmchantu tha ngai an si.

1. Thilpuan ah Chiti (a tlormi) aa neh tikah 

Thilpuan ah chiti (a tlormi) a neh tikah lungretheih in na um maw? Tu kan langhter mi hi rak tuah chun hmanh na lungretheihnak a tlauter lai. Chiti (a tlormi) thilpuan ah a neh mi cungah cite tlawmpal phulh piak. Cu na phulh mi cu minute tlawmpal hngah piak law thing piak, cu hnu ah na suk lai. Chiti (a tlormi) a neh mi a hmet ahcun fawi zang tein a thiang kho i, a tlormi a neh mi a lianh ahcun voihnih thum na suk piak ah cun a tlau ko lai.

2. Rawlchumhnak Bel tibantuk le thihrum a taw a cak tikah zeitin kan tuah lai

Rawl kan chumhnak bel le meh kan kio nak thihrum a taw a cak tikah fawi zang tein zeitin dah kan thianh khawh lai. A taw a cak mi bel silo ah thihrum chungah ti tlawmpal na toih lai i cite tlawmpal na poih piak lai i minute 15 in 20 tiang hrawng tlok thluahmah in na chumh piak lai i, na chawi lai, cu hnu ah fawi zang tein a cak mi kha na khawh khawh ko lai.

3. Thingthei color kan kuat ah aa neh tikah 

Cheukhat thingthei cu kan ei tikah an zawng kha kan kut ah aa neh i a thiang a har ngai mi an um, cu bantuk in kan kut ah aa neh mi cu rethei kha a lai in cheu law hnur piak. cu nih cun na kut ah a  neh mi thingthei zawng pawl kha a thianter dih ko lai.

4. Arti Chumh tikah Kuai Hlah Seh Ti Na Duh ahcun

A caan ah arti kan chumh tikah Arti kha a kuai i a langah a chuah mi an um theo tawn. cu bantuk in arti kan chumh tikah kuai hlah seh ti kan duh ahcun, Arti kan chumhnak ti chungah cite tlawmpal in poih piak hnu ah arti kha chumh hmanh, arti kuai lo tein a chum ko ai.

5. Insect (Thakzak Rungrul) nih seh tikah takvum a thak i a sen i a phing mi thlopbul ning

Insect rungrul nih a kan seh tikah kan takvum a sen i a phing mi fawi tein damnak dingah alu pumkhat kha ti in thiang tein na tawl hnu ah fa tete in na par lai. Cu hnu ah Insect rungrul nih an sehnak ah na benh piak lai i na tuam piak lai. cu nih cun Insect rungrul nih an sehnak hma kha fawi zang tein a dam ter pin ah a thakza mi zong a damter.

Credit: myfood Myanmar

 

Be the first to comment

Leave a Reply

Your email address will not be published.


*