Takpum Ngandamnak Caah Abiapi Taktak mi Eiding Tirawl Pawl 

Takpum Ngandamnak Caah Abiapi Taktak mi Eiding Tirawl Pawl 

Minung kan nunnak ah ngandam hi a biapi cem mi pakhat ah aa tel mi a si. kan takpum ngandamnak dingah eiding tirawl hi a biapi taktak mi a si.

Cu eiding tirawl pawl hna cu a tanglei ah kan rak langhter….

1. Changreu (Bread)

Changreu (bread) chungah vitamin B6 le B9 tampi a telmi caah thluak riantuan ning a thatter i khuaruah khawhnak caah bawmchanhnak a pek khawh. Cu pin ah Takpum a thawnter hlei ah ruh, hliahcaang le taksa ca zongah bawmchantu tha ngai pakhat a si.

2. Blueberry

Blueberry hi mit caah a tha ngai mi pakhat asi caah mit thazaang a thawnter, cu pin ah takvun zong a miltlorter khotu thingthei pakhat a si.

3. Thawpat 

Thawpat eipiak nak nih Lung thi kal ning a thatter i thi zong tha tein a control piak khawh caah Lung zawtnak a ngei mi hna caah a tha ngai mi thingthei pakhat a si.

4. Antam Tawba Sen (Carrot)

Antam tawba sen nikhat ah pumkhat eipiak nak nih takpum thazaang a thawnter i zawtnak hrik pawl zong takpum chungah fawi tein lut lo ding in bawmchantu tha pakhat a si.

5. Banhla

Banhla eipiak nak nih thi chungah a thlum mi dat pawl kha ruang tein a chiah. Cu lawng siloin takpum chungah a um mi a herh lo mi pawl zong a thianh piak khotu a si.

6. Pe A Phunphun 

Pete, Pe Ni, Pe tibantuk Pe a phunphun hna cu zuunthlum zawtnak a ngei mi hna ca ko ah a tha khun mi a si. Cu pin ah Cell a hlun pawl kha a thianh hna i Cell thar pawl chuak kho dingin bawmchanhnak pe khotu zong a si.

7. Annhringso pawl

Annhringso pawl hi Lung zawtnak ngei lo dingin a runven khotu a si i, kan thisen ca hrimhrim ah eilo awk a tha lo mi eiding phunkhat a si.

8. Theipi 

Theipi einak nih pawpi seh riantuan ning a thatter i ruhno cawrh lo nak dingah ruh fehnak dingah bawmchantu tha ngai a si.

9. Arti

Vitamin phun tampi hmunkhat kan hmuh khawhnak cu Arti ah hin a si. cu pin ah amino acid nih takpum thanlianh nak ding caah bawmchanhnak a pek.

 

Credit: Myfood Myanmar

 

Be the first to comment

Leave a Reply

Your email address will not be published.


*