Takvun A Rocar mi Tlormil Ternak Caah Zeibantuk Tirawl Dah Kan Ei Piak Lai

Khual na tlawn ruangah siseh, a dangdang ruangah na takvun a rocar ah siseh, ni nih lak ruangah takvun aa rawk ruangah lungrethei in um theo tawn a si. Cu bantuk aa rawk mi takvun cu Tamhnak dawr ah pawngtin, hmai thianhhlimter tibantuk zong a ngah bantuk in eiding tirawl zong in tuahto khawh a si.

Minung a si mi paoh nih takvun dawh cu duh dih cio a si. Asinain mitampi nih kan takvun kha tha tein zohkhenh lo in nilin lak ah zeihman a kham loin chuah, Skincare thuh lo in chawhvah, zan ah makeup thuhmi hnawt pin ih kan hmang theo tawn, mah bantuk kha hrial bak a herh mi an si hna.

Kan takvun a rocar mi tlormil thannak dingah zeibantuk tirawl dah kan ei lai timi tangah kan rak langhter…..

1. Serthlum (Orange)

Serthlum hi takvun dawhnak le tlormil nak caah a tha mi vitamin C le Vitamin A tampi a telmi a si caah takvun a rocar mi a tlormil ter i dawh tein a um ter than kho tu a si.

2. Anntam Tawba sen (carrot)

Anntam tawba sen ah Vitamin A le Beta-Corotene pawl tampi aa telmi a si. Anntam Tawba sen hi takvun dawhnak caah umlo awk a tha lo mi eiding pakhat a si. Anntam tawba sen hi zan ih lai paoh ah phio i a hang in din piak nak nih a rocar mi takvun kha a tlormil ter pin ah rihzaan zong a control khotu a si.

3. Alu

Alu ah vitamin A a tel caah a ngan a dam mi takvun sinak ding caah eipiak a herh ngaingai mi a si. Potassium le Ahmin dat tampi in a tel caah takvun mil tlor nak caah bawmchantu tha a si.

4. Hru

Hru ah Omega 3 tampi a telmi a si i ALA a tel caah takvun a hninoter i takvun chungah a thi cia mi cell pawl kha a thianhter i cell thar pawl chuahkhawhnak dingah a bawmhchanh.

4. Phezeti (Water Melon) 

Phezeti cu ti dat tampi a tel mi thingthei pakhat a si caah takvun hninno nak caah a tha ngai mi sii phunkhat a si. Vitamin A le Vitamin C zong tampi a tel caah Takvun tlormil nak caah a tha ngai mi a si. Cu pin ah Potassium dat tampi a tel i Calories a telmi a tlawm caah rihzaan zawr a duh mi hna ca zongah a tha ngai mi a si.

 

 

Be the first to comment

Leave a Reply

Your email address will not be published.


*