Ralkap Nih Ram Mipi Sinah Nawlnak An Tuah Mi

Ralkap nih Ram mipi sinah nawlnak ca February 8 ah an tuah. Nawlnak an tuah mi ah zeibantuk pawl dah a tel timi Kawlca in an tialmi Laica in kan rak leh mi tanglei ah kan rak langhter.

Yangon, Hlenda. Center Pawng Ralkap Uk duhlo nak langhter lio
Yangon, Hlenda. Center Pawng Ralkap Uk duhlo nak langhter lio.

MRTV ah Ralkap nih cathanhnak an tuah mi.

Ralkap Thawngzamhnak MRTV nih An Langhter Mi Cathanh

Biakil: A tang ca kan langhter mi hi Ralkap nih 8. 2. 2021 ah an chuah mi a si i Laica in kan lehchim mi a si. 

  1. Democracy phung ning in mi zeipaoh nih zalawng tein chim phuannak nawl, tuan khawhnak nawl le thutdir khawhnak nawl ngei cio a si. Cu bantuk zalawng nak nih midang hnursuan lo ding. Midang he ruahnak le lungput i khah/lawh lo khawh zong a si. Kham/dawnh lo ding, hnursuan lo ding. Cu tikah tu hi Democracy minung covo in konglam a phunphun langhter i midang he bu/phu dirh i midang hnahnawh, hrocer tibantuk pawl Upadi a buar mi cheukhat an um. Dingrep (dicipline) ngeih lo ahcun Democracy hi aa rawk kho mi a si.
  2. Ramkomh daihnak le ram mipi himnak, upadi zulh phung pawl a hnursuan mi sihna seh, a buar mi sihna seh upadi ning tein zulh dawinak kan ngei lai.
  3. Tlukrualnak, Zalawngnak, Huhimnak a duhmi ram mipi nih upadi a buar mi kan cohlang hna lo, cu lawng siloin ram le miphun caah tiin i bawmchanh hna usih law dohti hna usih tiah zangfah kan in nawl hna. 

…………………….

Ralkap uknak hi Ramkomh minung nih kan duhlo, kan cohlan hna lo, asinain ralkap lei nih a cunglei ca an tial mi zoh tikah ram mipi nan hnursuan hna, upadi nan buar tiah sual phawt bantuk a si. Ram mipi nih ralkap kan cohlan lo nak pawl le kan duh lo hna nak pawl i theih ter lo in caan zei maw zat an um rih lai. Asinain Ram mipi hna nih lungdong lo in kan thazang chuah chinchin rih ko hna usih.

Be the first to comment

Leave a Reply

Your email address will not be published.


*