Min Aung Hlaing Nih Chin State Uktu ah A Chiah Mi San Mawi Nikhuai A Thi

Min Aung Hlaing Nih Chin State Uktu ah A Chiah Mi San Mawi Nikhuai A Thi.

Ralkap nih uknak an lak hnu ah Kawlram chung State le region cio ah uktu a chiah hna. Chin state chungah uktu ah a chiah mi San Mawi Nikhuai cu nizan zan ah ruahlo piin a nunnak thaw a dih tiah chungkhar sin in theih a si

U San Mawi Nikhuai i a upa le chungkhar nih an chim ning ah ‘Nizan ah Naypyidaw in Hakha a rak phan i zan ah a kholh țawl dih hnu ah a ih. Zinglei suimilam 7 am hrawng Meeting a um tiah a tupa nih a va țhang tikah aa hlau kho ti lo.

A takpum a kik dih cang i a thaw a rak um ti lo. U San Mawi Nikhuai hi a hlan ah နှလုံးသွေးကြောကျဉ်း (Hnalung twai caw cin) a ngei mi a si.

Tu hi Falam in Hakha lei ah a ruak lak dingin kan kal lio a si. A ruak hi siizungah an zohfel lio a si. An zohfel dih hnu ah Falam lei ah kan tlunpi lai i a Pi le Pu tlaan pawngah kan vui lai’ tiah chungkhar lei nih an chim.

Credit.

 

Be the first to comment

Leave a Reply

Your email address will not be published.


*